EPL transfers deadline latest update: Man Utd Daniel James to Leeds, see Chelsea deal plus more – BBC News - Techy Hunters

Breaking

Tuesday, August 31, 2021

EPL transfers deadline latest update: Man Utd Daniel James to Leeds, see Chelsea deal plus more – BBC News

31 August 2021, 19:00 WAT

New Informate 4 hours wey don pass

Manchester United winger and Wales international Daniel James don join Leeds on five-year deal.

E dey happun on di last day wen transfer window for Premier League go close.

Leeds United bin almost sign James during di 2018-19 Championship season but e don happun now.

“No be secret say Daniel na player wey we don dey eye for some years and today we don achieve our goal.”

Na so Leeds director of football Victor Orta tok.

Di two clubs no reveal how much di transfer cost.

James go wear di number 20 shirt for im new club.

For UK, August 31 na di final day wey football players fit transfer go or come.

And we expect say oda signings go happun before clock nack 11:59pm.

Important deals for European summer transfer

  • Man Utd confam signing of Cristiano Ronaldo
  • West Ham sign Nikola Vlasic from CSKA Moscow
  • Leeds United sign Daniel James on five-year deal from Man Utd
  • Moise Kean: Juventus re-sign Everton striker on loan
  • Jordan Henderson: Liverpool captain sign new deal until 2025; also Nat Phillips
  • Chelsea don reach agreement to sign Saul Niguez on loan from Athletico Madrid. Di English club go pay five million euros for di defender.
  • Dis dey happen as Tottenham complete di signing of Emerson Royal from Barceolona.

We still dey chook eye for dis tori as e dey happen, refresh later to check any more transfer updates.



from WordPress https://ift.tt/3BvGqSi
via IFTTT

No comments:

Post a Comment